आज कुणाचं हसू आठवून
आसवं दाटून आली
आज कुणाचं नसणं आठवून
असणं साठवून गेली
आज कुणाचं फसवं रुसणं
फुदकन हसवून गेलं
आज कुणाचं सकाळी गाणं
ओठी चकवून गेलं
आज कुणी आठव आठव
मनात भरून गेलं
आज कुणी झोपलं रान
उठवून पेटवून गेलं
आज तुही नसशील तुझी
असशील फसशील तू
आज तुही खिडकीत बसशील
कुठेच नसशील तू
आज तुला आठवेल काल
उगाच घरभर फिरशील
आज तुलाही वाटेल वाईट
भिजले डोळे पुसशील
उद्या परत येईल मी
परत खोटंच हसशील
उद्या परत माझं सांगणं
अन मलाच वेडं म्हणशील
- रोहित
No comments:
Post a Comment