ढगातली नाती..

का कुणास ठाऊक

पण काही वाटलंच नाही मला

तुझ्या लग्नाची बातमी

उडत उडत आलेली

अन तशीच उडत गेलेली

कुठेही न शिवता..

२ वर्षांचा लेखाजोखा

२ क्षणात संपलेला..,

इतकी उथळ नाती...

विट आलाय आता

हृदयात जाणारी कंपनं,

हृदयातच सामावणारी नाहीत राहिली आता

सगळं क्षणिक वाटतं आता..

नाराज.. नाराज तर तसाही नाहीये मी

फक्त हताश झालोय थोडा,

या ढगातल्या नात्यांशी..

मान खाली अन मुसक्या बांधाव्यात आता

अन फिरावं गोल गोल

कुणाशी न देणं घेणं

फक्त जात्यातलं जगणं

फक्त जात्यातलं जगणं..

- रोहित