स्थळ..

हम्म.. आता घरचे स्थळ शोधायला सुरुवात करतील.
तऱ्हे - तऱ्हेची लोकं भेटतील. प्रत्येकाचे वेगळे स्वभाव.
कुणी महत्वाकांक्षी, कुणी demanding, कुणी घरेलू, कुणी लाजाळू.
आपली आवड कुणाला द्यायची हे ठरवायला हवं ना.
त्यात परवाच एक हिंदी सिनेमा पाहिलेला.
एक वेडगळ अशी मुलगी सोनाक्षी सिन्हानं साकारलेली.
मस्त वाटली अख्ख्या पिक्चरभर. अशीच मुलगी पाहिजे यार आपल्याला.
डोळ्यात डोळे घालणारी. मनाचा मागोवा घेणारी. मस्त हसणारी.
जिच्याशी बोलायला २ शब्दांची गरज न भासावी अशी नखशीकांत जिवंत मूर्ती.
आयुष्यातल्या प्रत्येक चांगल्या वाईट गोष्टीकडे डोळे उघडे ठेऊन पाहणारी.
आणि फक्त म्हणायचं म्हणून नाही तर खरंचच जीवापाड प्रेम करणारी.
आणि असा जर पाया असेल भेटणाऱ्या एखाद्या हरिणीचा..
तर पुढच्या बऱ्याच गोष्टी दुय्यम ठरतील माझ्यासाठी..!!

- रोहित