बर्फी

काही नाही रे बर्फी
सगळं असंच असतं बघ
नाही नाही म्हणतील
पण शेवटी पैसाच असतो बघ
प्रेम करणं कुणावर मरणं
दुर्मिळ झालंय बघ
आणि कुणी जर केलं
त्याचं कारणच आगळं बघ
लोक येतील, दोन तास बघतील
डोळे पुसतील बघ
बाहेर येऊन पैसे द्यायला
पाकीटच लागतं बघ
प्रेमावारती चालवून घ्यायचे
दिवसच संपलेत बघ
प्रेम मुळी इथे होतंच नाही
लोकांनी मनेच मारलीत बघ
जाऊ दे ना बर्फी
कशाला लांब जायचं
तुझ्याकडेच तर बघ
एवढं भोळा भाबडा बर्फी
जरा पडद्यामागे पण बघ

- रोहित