(अकरावी मराठीतलं) प्रेम म्हणजे...

पुरे झाले चंद्रसूर्य
पुरे झाल्या तारा
काय करू जेणेकरून
वाहील प्रेमाचा रानवारा

मोरासारखा छाती काढून उभा राहीन
जाळासारखा नजरेत नजर बांधून पाहीन
कुठे दूर दऱ्याखोऱ्यात
दोघे खोपटे बांधून राहीन

शेवाळलेले शब्द आणिक
यमक छंद करतील काय?
..शब्दांशिवाय दुसरे आणिक
करण्यासारखे आहेच काय

जागा तर आहेच की
येउद्या तर वेळ
अक्षरांच्या भातुकलीचा
ती आली की संपेल खेळ

प्रेम म्हणजे ताक जसं घुसळत जाणं
प्रेम म्हणजे लिंबू होऊन "मिसळा"त जाणं

प्रेम करीन पेट्रोल सारखं
किमतींनी भडकलेलं
आणि एवढं वाढून सुद्धा
टाकीमध्ये ओतलेलं..

शब्दांच्या धुक्यामध्ये अडकणार नाही
election च्या झेंड्यासारखा फडकणार नाही

उधळून देईन तुफान सारं
पानावरती साचलेलं
प्रेम करीन तीरासारखं
काळजामध्ये घुसलेलं


- कुसुमाग्रज आणि मी