अशीच तू..

तुझं ते भोळं रूप
ते निरागस सौंदर्य
ना कुणाची पर्वा फक्त
एकवटलेलं कौमार्य

तुझा तो गोड स्वर
ती वेगळीच अदा
तुझ्या नकळत झालेले
गाव तुजवर फिदा

ती पापण्यांची फडफड
अन ओठांची अलगद हालचाल
सगळं विसरून तीरासारखी
एकलक्ष्य नजरचाल

तुझे बांधलेले केस
जणू रेशीम मखमलीतले
हरवून पाहता आठवले
मोरपंख ठेवणीतले

तुझे भिरभिरणारे डोळे
त्या डोळ्यातील खोली
सगळंच काही भारावलेलं
नजरेतही लाली

तू आहेस तरी कोण
की वेडाचा हा आभास
आणि एवढं सगळं होऊनही
तुला काहीच ना तपास

- रोहित