हे तुला न समजत कसे..

शोधत असतो मी तुला
तुझ्या नेहमीच्याच वळणांवर
आणि आजकाल असतं फक्त शोधणं
विसरलोय मी काही सापडणं

त्रास तुलाही, त्रास मलाही
उगाच फुसकं गुरगुरणं
सवय तुझी जुनाट खोडी
मनात काळं भिरभिरणं

खेळ सोडायचे अर्ध्यावर
तरी उगाच फेकले फासे
आणि आलो तरी मी मागावर
हे तुला न समजत कसे

तडफड तडफड
नुसतीच चरफड
वैताग आलाय नुसता
आणि मी न येणार मागे आता
अश्या मी खाल्ल्या खस्ता

चालू देत खेळ तुझे
चालु दे जीवांचे घोर
मी बाहेर पडणार आता
मी यातून बाहेर पडणार आता..
तुझ्या प्रेमाच्या झळा
मला न सोसणे आता

- रोहित